કવિતા - Gujarati Poems

શ્રી યોગેશ્વરજી રચિત

॥ કાવ્યપુષ્પો ॥

ગીતો, કવિતાઓ, બાળગીતો તથા માતૃઅંજલિ કાવ્યો

યાદ

< BACK
અભિપ્સા
NEXT >

યાદ તમારી દ્વિગુણિત બનતાં મારા હૃદયે જાગી,
સ્મરણ રહ્યાં છે હૃદય વલોવી તમારાં શું બડભાગી !

સારી સૃષ્ટિ પર રાત્રીએ
અંચલ નાખ્યો આજ;
પ્રાણી છે સૌ શાંત.
એક મહારા મનોનભે છો પ્રકટ્યાં તમે પ્રકાશ,
દૂરદૂર તારકગણ ખીલ્યાં તેવા સ્મિતની સાથ.

મને જ ના આરામ.
પથારી રહી મારી સૂની, આળોટું છું ખાલી;
તમારી નથી સંનિધિ તો છે સુખ ના મુજને કાંઇ.

ઓ મુજ જીવનપ્રાણ પધારો
વીતે મોંઘી રાત;
આતુર ને 'પાગલ' છું સાચે
તમારા મિલન કાજ.

( શ્રી યોગેશ્વરજીના કાવ્યસંગ્રહ 'અભીપ્સા' માંથી )