કવિતા - Gujarati Poems

શ્રી યોગેશ્વરજી રચિત

॥ કાવ્યપુષ્પો ॥

ગીતો, કવિતાઓ, બાળગીતો તથા માતૃઅંજલિ કાવ્યો

વિરલ અપવાદ

< BACK
ગાંધી ગૌરવ
NEXT >

પૂર્વે ઉષા તિમિરથી કટુ જંગ ખેલી
ઉલ્લાસ ધીરજભર્યો અતિદીર્ઘ અંતે
પામે પ્રકાશકિરણો મધુસૂર્ય તેમ;
ઉદ્યાનમાં શ્રમ કરી દિનરાત માળી

સર્જે સુચારુ સુમનભેર સ્વાદુ સૃષ્ટિ;
ક્ષેત્રે કિસાન શ્રમના ફળને લણે ને
ધારા રસાળ વરસે વરસાદની તે
છે સાધના ફળશ્રુતિ પ્રકૃતિ તણી સૌ.

ના કાર્ય કારણ વિના કદી કાળ થાય,
એ વિશ્વનો નિયમ શાશ્વત શો પ્રવર્તી
પ્રાકટ્ય સત્પુરુષશ્રેષ્ઠ તણું કરીને
આશ્ચર્યથી ચકિત દર્શકને કરી દે.

કે મૂઢમુગ્ધ, સહસા પણ કૈં બને ના,
ગાંધીય ના વિરલ કો અપવાદ એમાં.

-------

( શ્રી યોગેશ્વરજી કૃત 'ગાંધી ગૌરવ' માંથી )