Gujarati Bhajan : આવોને આજે મંદિરિયે

મા સર્વેશ્વરી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

આવોને આજે મંદિરિયે

< BACK
અર્ઘ્ય
NEXT >



આવોને આજે મંદિરિયે,
શ્યામલ ગિરિધારી....

પ્રભુપ્રેમની માળા અર્પી,
સ્વાગત કર્યું સર્વ સમર્પી,
મારા જીવનવન વનમાળી રે ...શ્યામલ

શ્રદ્ધાનો દીપ જલાવી,
ભકિતની ભરતી જગાડી,
સ્નેહભીની સાદડી ઢાળી રે...શ્યામલ

પરભવની પ્રીત જગાડી,
બડભાગી મસ્ત બનાવી,
મારા જનમજનમના સાથી રે...શ્યામલ

રચના સમયના મનોભાવો

ભક્તના પવિત્ર પોકારો સાંભળીને ભગવાન દોડી આવે છે. ભક્ત અનોખી રીતે ભગવાનનું સ્વાગત કરે છે. એ અનુભૂતિ જ્યારે જીવનમાં જાગી ઊઠી ત્યારે પ્રભુને આ રીતે સત્કારી જીવનને ધન્ય બનાવ્યું.


    (મા સર્વેશ્વરી કૃત 'અર્ઘ્ય' માંથી)