Gujarati Bhajan : મારા શ્રી ગુરૂદેવ પ્રભુ

મા સર્વેશ્વરી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

મારા શ્રી ગુરૂદેવ પ્રભુ

< BACK
અર્ઘ્ય
NEXT >



મારા શ્રી ગુરૂદેવ પ્રભુ,
પૂરા પ્રેમ ભાવે નમું...

મારાં પાપ ને તાપને બાળો હવે,
મારાં કામ ને ક્રોધ નિવારો તમે,
મારી વૃત્તિને વાળો પ્રભુ...પૂરા...

નામ સ્મરણે વેગ વધારો જરી,
ચારુ ચરણોની મસ્તી જગાડો ફરી,
મારાં દેવ દયાળુ પ્રભુ....પૂરા.....

કરુણા વરસાવી પાસે રાખો મને,
દિવ્ય દર્શન નિત નવાં આપો તમે,
દિવ્ય જીવન બનાવો પ્રભુ....પૂરા....

મારાં તાત ને માત બનો શ્રી હરિ,
મારાં સ્વજન સખા સ્વામી બનજો વળી,
જીવન સર્વસ્વ બનજો પ્રભુ.....પૂરા....

રચના સમયના મનોભાવો

જીવનમાં રહેલી સર્વ અશુદ્ધિઓને હે પ્રભુ દૂર કરી દો. નામસ્મરણને જીવંત બનાવી મસ્ત બનાવી દો. સર્વસંબંધે પ્રભુ જીવનને દિવ્ય બનાવો. એવા ભાવોમાંથી આ ભાવના અક્ષરદેહ પામી.


    (મા સર્વેશ્વરી કૃત 'અર્ઘ્ય' માંથી)