Gujarati Bhajan : મારી જીવનનૌકા સોંપી

મા સર્વેશ્વરી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

મારી જીવનનૌકા સોંપી

< BACK
અર્ઘ્ય
NEXT >



મારી જીવનનૌકા સોંપી
શ્રી યોગેશ્વર ને હાથે.
જગકેરા નાથ ચલાવે,
ચિંતા ના લેશ સતાવે....મારી જીવનનૌકા

પ્રતિકૂળ પવન ફૂંકાયે,
વિકરાળ તરંગ સતાવે,
મારી નાવ સલામત સાચે,
ગુરૂદેવ પ્રભુને હાથે...મારી જીવનનૌકા

વર્ષાના વાદળ વરસે,
ચપલાઓ કાયમ ચમકે,
અંધારું ઘેરી વળશે,
પણ નાવ અભયતા ધરશે...મારી જીવનનૌકા

પ્રભુપંથે આગળ બઢશે
બીજાને મારગ ધરશે,
પ્રભુને પામીને ઠરશે,
કૃતકૃત્ય જિંદગી કરશે....મારી જીવનનૌકા

રચના સમયના મનોભાવો

પ્રભુને સમર્પણ કરી દીધું ત્યારે એક દ્રઢ શ્રદ્ધા પણ હૃદયમાં જાગી ઊઠી કે યોગેશ્વરજી જેવા જીવનનૌકાના નાવિક છે પછી મારે ચિંતાની શી જરૂર? મારી જીવનનાવ વિરોધોના વંટોળો વચ્ચે પણ નિશ્ચિંત બનીને જીવનધ્યેયને પામી શકશે એવો અચળ વિશ્વાસ જીવનમાં આવી ગયો.


    (મા સર્વેશ્વરી કૃત 'અર્ઘ્ય' માંથી)