Gujarati Bhajans - Devotional songs

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

સંતનો સંગ

< BACK
આલાપ
NEXT >

સંતનો સંગ સદા સુખકારી.
શાંતિપ્રદાયક, તાપવિદારક, રસ વરસાવે ભારી...સંતનો

પ્રેમ જગાવે રોમરોમમાં એવો એ ગુણકારી,
ભ્રાંત મગજને શાંત કરી દે ઔષધિ એવી ન્યારી...સંતનો.

પતિત પ્રાણને પણ અપનાવે,અંતે દે છે તારી,
હોળી જીવનમાં સળગે ત્યાં દૈવી કરે દિવાળી...સંતનો.

ક્ષણનો પણ જો હોય સંગ તો તેની છે બલિહારી,
'પાગલ' સ્નેહે સંતશરણ લે, લે માયાને મારી...સંતનો.

( શ્રી યોગેશ્વરજીના ભજનસંગ્રહ 'આલાપ' માંથી )