Gujarati Bhajans - Devotional songs

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

આજ મારે આંગણે

< BACK
આલાપ
NEXT >

આજ મારે આંગણે હો ઉત્સવ અપાર છે !

પ્રભુના પ્રેમી મારે આંગણે પધાર્યા,
પ્રભુના સંગીતસૂર આંગણે ઉતાર્યા,
હર્ષનો ન પાર છે રે, ઉત્સવ અપાર છે !...આજ.

પ્રભુનામનો પરાગ પાવન ફેલાય છે,
અંધારા અંતરમાં અમૃત રેલાય છે,
હર્ષનો ન પાર છે રે, ઉત્સવ અપાર છે !...આજ.

પ્રભુના પ્રેમીનાં દર્શન કરવાથી,
દુઃખ દૂર થાય છે એને મળવાથી,
હર્ષનો ન પાર છે રે, ઉત્સવ અપાર છે !...આજ.

પ્રભુની લીલા જે ઘરમાં ગવાય છે,
વૈભવ ને સુખશાંતિ તેમાં છવાય છે,
હર્ષનો ન પાર છે રે, ઉત્સવ અપાર છે !...આજ.

પ્રભુના 'પાગલ' એવા પ્રેમીના સંગમાં,
મુક્તિ વેચાય છે પ્રેમીના સંગમાં,
હર્ષનો ન પાર છે રે, ઉત્સવ અપાર છે !...આજ.

( શ્રી યોગેશ્વરજીના ભજનસંગ્રહ 'આલાપ' માંથી )