Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

દિવ્ય કૃપાને ઢાળો

< BACK
સાંઇ સંગીત
NEXT >

દિવ્ય કૃપાને ઢાળો, દયામય, દિવ્ય કૃપાને ઢાળો

માર્ગ ભર્યો અંધારે મારો,
અમૃતથી અજવાળો;
કંટકકંકર દૂર કરી દો,
નૌકા મારી તારો ... દયામય, દિવ્ય કૃપાને ઢાળો

રોજ પ્રભાતે કરું પ્રતિક્ષા,
વચન તમારું પાળો;
દીન પર દયા લાવો આજે,
મરતાને ના મારો ... દયામય, દિવ્ય કૃપાને ઢાળો

'પાગલ' અંતર તલસે તેને
શીતળ સ્પર્શે ઠારો;
આધાર તમારો છે એકલ,
પોકાર સુણો મારો ... દયામય, દિવ્ય કૃપાને ઢાળો

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )