Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

વંદન સંતન વારંવાર

< BACK
સાંઇ સંગીત
NEXT >

વંદન સંતન વારંવાર (2)

કરુણા પ્રેમથકી મંડિત જે સ્નેહતણા છે સાર;
પ્રકટ થયા પરમાત્મા પોતે ધરી મનુજ અવતાર... વંદન

ભવતારક ને દોષવિદારક, કરે કષ્ટથી પાર;
દુઃખદર્દને અશાંતિ ટાળે, મંગલ મધુર રસાળ ... વંદન

સર્વતીર્થથી અધિક પુણ્યપ્રદ, મુક્તિતણાં છે દ્વાર;
ગંગાથી પણ ગૌરવવાળા, મૃદુતા પારાવાર ... વંદન

શરણ તમારે જે આવે તે થાય દુઃખથી પાર;
દ્રષ્ટિપાત થતાં જ તમારો કંપી જાયે કાળ ... વંદન

જેના પર રેલો ભાવ કરી કરૂણા કેરી ધાર;
ધન્ય થાય તે માનવ સાચે, પામે કદિ ના હાર ... વંદન

આગળ પાછળથી વંદન હો, વંદન વળી હજાર;
'પાગલ'ને પોતાનો જાણો તેમ કરી લો પ્યાર ... વંદન

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )