Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

સાંઇનાથ આજે તો આવો જરૂર

< BACK
સાંઇ સંગીત
NEXT >

સાંઇનાથ આજે તો આવો જરૂર,
જિંદગી તમારા વિનાની ધૂળ ... સાંઇનાથ

કેટકેટલા દિનોથી તલસું તમોને,
અંતરની વેદના કહું કહોને કોને;
હૈયું થયું મળવાને ગાંડુતૂર ... સાંઇનાથ

લાજે કૃપા તમારી જો ના પધારો,
આપેલા કોલ તમે સત્વર ના પાળો;
કેમ ગમે દિલને રહેવું દૂર ? ... સાંઇનાથ

આંખોમાં અંજન છે આંજેલ પ્રેમનું,
અંગે અનુરાગ ભર્યો, દુર રહું કેમ હું ?
પ્રાણમહીં જાણે છે પ્રેમનું પૂર ... સાંઇનાથ

દર્શનની કામના કૃતાર્થ કરો આજે,
આશિષની વર્ષા કરો મારે કાજે;
અજવાળો અંગાગ રેલીને નૂર ... સાંઇનાથ

સેવાનો ભેખ લઇ વિચરો તમે તો,
ભક્તોને તારનાર બીજો કહો કો ?
'પાગલ' છે પ્રેમી મહીં મશહૂર ... સાંઇનાથ

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )