Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

પૂજું તમને આજ પ્રભાતે

< BACK
સાંઇ સંગીત
NEXT >

પૂજું તમને આજ પ્રભાતે
ધૂપ દીપ ને હારે,
રંગભર્યા ગંગાને ઘાટે,
સાંઇનાથ સવારે ... પૂજું તમને

અંતરમાં છે ઉમંગ ભારે,
વ્હાલ વહે છે સહસ્ત્રધારે;
નસનસમાં છે જીવન જાદુ,
છોડું સૂર સિતારે ... પૂજું તમને

ભાવતણાં મધુરા પુષ્પો છે,
ગૂંથુ અંતર તારે;
કંઠમહીં તે દઉં ચઢાવી,
શોભા સુંદર ધારે ... પૂજું તમને

નથી પ્રવીણ પૂજામાં કોઇ,
તોપણ દિલડું વારે;
'પાગલ' પ્રાણ કૃપાને તલસે
આશ અન્ય ના મારે ... પૂજું તમને

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )