Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

મહાસંત મેં માન્યા

< BACK
સાંઇ સંગીત
NEXT >

મહાસંત મેં માન્યા તમને
મહાસંત મેં માન્યા !

અખિલ જગતમાં સૌથી ઉત્તમ
સિદ્ધપુરૂષ મેં જાણ્યા,
પ્રેમળ તેમ દયાળુ ખરેખર
પિતા સમાન પ્રમાણ્યા ... મહાસંત

ભક્ત જનોના પ્રાણ, દીનના
આધાર સમા માન્યા;
અધમોધ્ધારક, મંગલકારક
જીવનનું ધન જાણ્યા ... મહાસંત

પરમાત્મા પોતે જ સનાતન
રૂપ ધરીને આવ્યાં;
એ જ ભાવથી આજ લગીનાં
ગીતોમાં મેં ગાયા ... મહાસંત

'પાગલ' શ્રદ્ધા સત્ય કરી દો,
કરી દો હવે દયા;
મનોરથ કરો પૂરણ મારો,
રંક જનોના રાયા ! ... મહાસંત

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )