Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

મહાપુરૂષની વાણી

< BACK
સાંઇ સંગીત
NEXT >

મહાપુરૂષની વાણી,
મિથ્યા થાય કદી ના એવી,
વાત ખરે મેં જાણી ... મહાપુરૂષની વાણી

ભૂલભાંતિમાં બોલાયે તો -
પણ કરતી કલ્યાણી,
અમોઘ ફળને અવશ્ય આપે
માની હો કે શાણી ... મહાપુરૂષની વાણી

વહી ગયેલાં પાછે વાળે
પ્રવાહ કેરાં પાણી;
પર્વત રણ, રણનું વન કરતી,
નિર્ધન કરતી દાની ... મહાપુરૂષની વાણી

અબોલને શીધ્ર કવિત્વ ધરે,
તરત મટાડે હાનિ;
સિદ્ધ વચનનો મહિમા મોટો
પ્રસિદ્ધ વાત પુરાણી ... મહાપુરૂષની વાણી

'પાગલ' પ્રભુજી જો જો મિથ્યા
થાય તમારી વાણી;
કૃપા પિયૂષ વરસજો આજે
ચાતક જેવો જાણી ... મહાપુરૂષની વાણી

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )