Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

મારાં બધાં કાર્યોમાં

< BACK
સાંઇ સંગીત
NEXT >

મારાં બધાં કાર્યોમાં તમારી મદદ માંગું છું
તમારો દિવ્ય આઠે પ્રહર આશિર્વાદ માંગું છું. ... મારાં

તમારું સ્મરણ અંતરમાં અંખડપણે ભલે ચાલે,
તમારા ભાવનાં ફૂલો ભલે હરરોજ ને ફાલે;
ખરે ઉપકાર માનું કે તમારામાં જ જાગું છું .. મારાં

તમારો સાથ ને સહકાર જીવનમાં મળી જાયે,
કમી શી ધન્યતાની, કૃપાની વર્ષા સદા થાયે;
તમારી છત્રછાયા મધુર તેમજ હૂંફ માંગું છું ... મારાં

હશે ચિંતા પછી કૈ ના તમારા દિવ્ય સહવાસે,
તમારી શુભાશિષથી દર્દ ભય ને સંકટે નાસે;
થઇ 'પાગલ' પગે હૈયાથકી દરરોજ લાગું છું ... મારાં

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )