Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

ડુંગર દુઃખના છોને પડે

< BACK
સાંઇ સંગીત
NEXT >

ડુંગર દુઃખના છોને પડે
તારું અંતર કેમ રડે ? ... ડુંગર

શરણ લઇ લે સંતપ્રભુનું તો
ચિંતા બધીયે ટળે;
દર્દ દાવાગ્નિ દૂર બને ને
ગ્રહ ના કદીયે નડે ... ડુંગર

ભારે ભેખડ પડે, ધોર ગર્જના વડે
વંટોળે ચિત્ત ચડે;
સંતની હોય શુભાશિષ તો ના
આફત લેશ અડે ... ડુંગર

આંસુના સાગર શાંત બને ને
હેતુ સમસ્ત સરે;
બંધ થયા હો મારગ તોયે
ધાર્યો માર્ગ જડે ... ડુંગર

અનુભવની આ વાણી કહી છે,
કૈં ન અશક્ય ખરે;
'પાગલ' પ્રભુનો પ્રેમી થા તું,
શોકમાં શાને સડે ? ... ડુંગર

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )