Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

સાંઇનાથ મારો હાથ

< BACK
સાંઇ સંગીત
NEXT >

સાંઇનાથ મારો હાથ જોજો કોદી ના છોડો.
ભૂલેચૂકે મારો સાથ જોજો કોદી ના છોડ .... સાંઇનાથ

જીવન ધર્યું તમોને મેં તો, ને આધાર નથી બીજો કો;
તમારો દૈવી દ્રષ્ટિપાત, જોજો કોદી ના છોડો ... સાંઇનાથ

લાગી માયા એક તમારી, કીધી તેથી તો મેં યારી;
સંભાળો તો મારી જાત, જોજો કોદી ના છોડો ... સાંઇનાથ

ભક્તો હશે તમારા કોટી, કરશો મુજને પણ ના ખોટી;
મારે એક તમે સાક્ષાત, જોજો કોદી ના છોડો ... સાંઇનાથ

મારે માતાપિતા ને ભાઇ, સ્નેહી તેમ સખા છો સાંઇ;
મારા પગ મસ્તક ને હાથ, જોજો કોદી ના છોડો ... સાંઇનાથ

'પાગલ' પ્રેમી થયો તમારો, પાળ્યો તેમ સદાયે પાળો;
રક્ષો રોજ હજારે હાથ, જોજો કોદી ના છોડો ... સાંઇનાથ

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )