Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

તમારુ શરણું જે લે છે

< BACK
સાંઇ સંગીત
NEXT >

તમારું શરણું જે લે છે
તેને ચિંતા ક્યાં રે' છે ?

સંકટ ભલે હજારો આવે,
તાપ ભલેને લાખ તપાવે;
છોને કોટિ ક્લેશ સતાવે;
ડર ક્યાં કોઇનો રે' છે ? ... તમારું

નાખો આંસુ ભક્તનાં ધોઇ,
ઘા રાખો કાયમ ના કોઇ;
ઝંખે પ્રેમે તમને કોઇ,
તેને પીડા ક્યાં રે' છે ? ... તમારું

મહિમા મોટો ખ્યાત તમારો,
શરણાગત સંભાળો તારો;
જે જન જન્મી થાય તમારો,
તેને બંધન ક્યાં રે' છે ... તમારું

'પાગલ' ગુણને ગાય તમારા,
પ્રભુ, સર્વસ્વ તમે છો મારા;
સાર્થક કરશો શબ્દો તમારા,
શ્રદ્ધા એ જ સદા રે' છે ... તમારું

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )