Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

તમારે મુશ્કેલ કશું ના

< BACK
સાંઇ સંગીત
NEXT >

તમારે મુશ્કેલ કશું ના.

જે ધારો તે કરી શકો છો સત્ય કહું છું હા !
સર્વસમર્થ કહ્યા છે તેથી નાથ ચરાચરના ! ... તમારે

ખારો કૂપ કર્યો મિષ્ટ તમે, રંક કર્યા રાયા;
તેલ વિનાના દીપક બાળ્યા, કરો તમે શું ના ? ... તમારે

દ્રષ્ટિ અંધજનોને આપી એમ ગવાયે કથા;
અસાધ્ય દર્દ મટાડ્યાં કૈંનાં, મૃતને પ્રાણ ધર્યાં ... તમારે

ચિંતા ટાળી, ક્લેશ શમાવ્યા, ઉજ્જવળ માર્ગ કર્યા;
શરણાગતને પ્રેમે પાળ્યા, કૈં ભંડાર ભર્યાં ... તમારે

મારે માટે કેમ સુકાઇ આજ ગઇ કરુણા ?
સફળ કરી દો ઇચ્છા મારી, લેશ રહે ના મણા ... તમારે

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )