Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

આશા મારી પૂર્ણ કરી દો આજ

< BACK
સાંઇ સંગીત
NEXT >

આશા મારી પૂર્ણ કરી દો આજ.
કેટકેટલા દિનથી ઝંખુ, પૂર્ણ કરી દો કાજ ... આશા

મૂંગુંમૂંગું રોતાં કરતો નિત્ય કરૂણ અવાજ;
કૃપા કરો તો વાગે મારે મંદિર ઝાંઝપખાજ ... આશા

તપ્ત હૃદયને શાંત કરી દો તેમ સજાવો સાજ;
પાર ઉતારો શીઘ્ર સલામત, ડગમગ થાય જહાજ ... આશા

પ્રકાશ કિરણે પ્રાણ ભરી દો, પાગલના શિરતાજ !
શાંત કરી દો, ધન્ય કરી દો, હવે ગરીબનિવાજ ! ... આશા

સાધારણ ઇચ્છા છે મારી, નથી માગતો રાજ;
શરણાગત છું, રહી તમારે હાથે મારી લાજ ... આશા

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )