Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

ભક્તો પર સંકટ વરસે

< BACK
સાંઇ સંગીત
NEXT >

ભક્તો પર સંકટ વરસે ત્યાં સુઇ જાવ છો કેમ ?
ક્લેશતણા કંટકને કાપી મારગ કરો ના કેમ ?
'ખુલ્લે હાથે શરણાગત પર રોજ કરું છું રે'મ,'
વચન તમારાં ગયાં મરી શું, કેમ કરો ના પ્રેમ ?

બળ વિખ્યાત તમારું કેવું પરંપરાથી છે,
કૃપા તેમ કરુણાની વાતો ખૂબ ગવાઇ છે;
કેમ છતાંયે જોયા કરતા સ્નેહીના સંતાપ,
બોલો શાને લેશ તમે ના જપ્યે નિરંતર જાપ ?

તમારા વિના કોઇનો ના મારે છે આધાર,
નાખી દીધો તમારા જ પર મુજ જીવનનો ભાર;
'પાગલ' બાળક ઝંખે તેને જીવન દો તત્કાળ,
કોટિ કિરણ રેલાવી દો, દૂર કરો અંધાર.

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )