Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

પત્થર ઉપર પાણી

< BACK
સાંઇ સંગીત
NEXT >

પત્થર ઉપર પાણી,
જો જો થાય પ્રાર્થના મારી પત્થર ઉપર પાણી.

હિંમત થે, ધીરજ શ્રદ્ધા છે, મક્કમતા પણ ભારી;
અરજી રોજ કરું અંતરની ગદગદ ગાતાં વાણી ... પત્થર

શક્તિના સ્વામી છો સૌથી સમર્થ અંતરયામી;
નિરાશ કોઇનેય કરો ના, મહાન ધ્યાની દાની ... પત્થર

પ્રતીક્ષા કરું કૈંક કાળથી, સાચો ભાવ વહાવી;
બોલો ના ચાલો ના શાને, પામર હું તો પ્રાણી ... પત્થર

દયા થશે ના તો જીવનમાં કરમાઇ જશે ક્યારી;
તેથી કહું થશો ના કોદી પત્થર ઉપર પાણી ... પત્થર

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )