Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

કૃપા કદી ના ખૂટે

< BACK
સાંઇ સંગીત
NEXT >

તમારી કૃપા કદી ના ખૂટે,
એ તો અનંત ધારે છૂટે ... તમારી કૃપા

મેઘ ગગનથી, અમી અન્નથી
તેમજ સૂર્ય ખૂટે;
જળ સૂકાઇ જાય સકળ પણ
કૃપાતાર ના તૂટે ... તમારી કૃપા

અનંત વરસોથી વરસે એ
અનેક એને લૂંટે;
તો પણ એમાં ઓટ ન આવે,
નવા ફુવારા ફૂટે ... તમારી કૃપા

દુઃખ દીનતા દૂર કરે ને
કોટિ ક્લેશને ફૂટે;
એ જ કૃપાની આશા રાખું,
કદી ન જો જો ખૂટે ... તમારી કૃપા

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )