Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

નમસ્કાર મારા

< BACK
સાંઇ સંગીત
NEXT >

નમસ્કાર મારા, હજારો નમસ્કાર મારા !

જેના દિલમાં પવિત્રતા ને પ્રેમતણી ધારા,
સદગુણથી શોભિત સંસ્કારી ભાવભર્યા ન્યારા;
પ્રણામ એવા સંતચરણમાં રાતદિવસ મારા ! ... નમસ્કાર મારા

અમૃતઆંજેલી આંખલડી તેમજ મધુરી વાણ,
મોટા નાના ઉચ્ચનીચની જેને ન પડે જાણ;
વિનમ્ર વિનયી તેમ થયા જે ધૈર્યક્ષમાવાળા,
પ્રણામ એવા સંતચરણમાં રાતદિવસ મારા ! ... નમસ્કાર મારા

પરહિત માટે જીવન જેનું જેની છે કાયા,
પ્રભુના વિના ન કોઇ સાથે કરનારા માયા;
ચઠાવતા જે પ્રતિપળ પ્રભુને ભાવતણી માળા,
પ્રણામ એવા સંતચરણમાં રાતદિવસ મારા ! ... નમસ્કાર મારા

પ્રભુમય એ સંત કરો નિશદિન મંગલની ધારા,
પ્રેમફુવારા ઉડો તેમના રોમ રોમ મારા;
પોતાનાશો મને બનાવો તે પ્રભુના પ્યારા,
પ્રણામ એવા સંતચરણમાં રાતદિવસ મારા ! ... નમસ્કાર મારા

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )