Sai Sangeet - Bhajans on Sai Baba

શ્રી યોગેશ્વરજી રચિત

॥ ગુજરાતી ભજનો ॥

અંતરને ઝંકૃત કરનાર ભજનો, પ્રાર્થના, સ્તુતિ, આરતિ અને સ્તોત્ર

કોને પોકારું ?

< BACK
સાંઇ સંગીત
NEXT >

સાંઇનાથ તારા વિના કોને પોકારું ?
કોને પોકારું સ્તવું કોને કહે વારું ? ... સાંઇનાથ તારા વિના

કોના દિલમાં દયાનો દરિયો ઉછળતો ?
પ્રેમનાં પિયૂષ કોના પ્રાણ સદા ફૂટતો ?
હૈયામાં કોને ધારું, કોને પોકારું ... સાંઇનાથ તારા વિના

કોણ છે સમર્થ વળી અન્ય અવનીમહીં ?
નિસ્વાર્થ સ્નેહ કરે અન્ય કો' કૃપા નહીં;
ચરણે ધન કાં ના ઢાળું, કોને પોકારું ... સાંઇનાથ તારા વિના

લીધો આધાર એક તારો મેં પ્રેમથી,
કરી દે કૃતાર્થ તારી અંતરની રે'મથી;
કીર્તન કરું છું તારું, કોને પોકારું ... સાંઇનાથ તારા વિના

પ્રીતડી થયેલ હવે સ્વપ્ને ન તૂટે,
ભાવ તારા અંતરથી જોજે ના ખૂટે;
હેત મારું સઘળું હારું, કોને પોકારું ... સાંઇનાથ તારા વિના

પોકાર પ્રેમથી સાંભળી લે મારા,
વરસી લે કૃપાકેરી કોટિકોટિ ધારા;
જીવન બને તો ન્યારું, કોને પોકારું ... સાંઇનાથ તારા વિના

( શ્રી યોગેશ્વરજીના ભજનસંગ્રહ 'સાંઇ સંગીત' માંથી )