પ્રેરણાદાયી અવતરણો

Quotes

Shri Yogeshwarji's Inspirational quotes

HOME | ADHYATMA | AUDIO | BOOKS | BHAJANS | KAVITA | PARIMAL | RAMAYAN | MAHABHARAT | UPANISHAD | SARAL GITA

Shri Yogeshwarji
(15 August 1921 - 18 March 1984)

Quotes

યોગી

યોગી બને એટલે માનવ જંગલમાં ચાલ્યો જાય એવું નથી પરંતુ મન અને ઈન્દ્રિયોનો સંયમ કરતો થઈ જાય. જ્યાં રહે ત્યાં રહીને જાગૃતિપૂર્વકનું જીવન જીવે, પ્રલોભનોથી પ્રભાવિત થયા વગર તટસ્થ રીતે જીવન જીવે અને પોતાને માટે જીવતો હોય એને બદલે બીજાને માટે જીવવાનું વ્રત લે. યોગનો સાધક આવો આદર્શ માનવ થઈ જાય છે.

યોગ

યોગ એ એક પ્રકારનું અન્વેષણ કે સંશોધન છે. મારું વાસ્તવિક સ્વરૂપ શું છે? હું કેવળ બહારથી દેખાય છે તેટલું શરીર જ છું ? રક્તવાહિનીઓ, ફેફસાં, આંતરડા, પાંસળીઓ અને હાડકાંઓનો બનેલો માળો જ છું? આ બધું તો જડ છે. હું તો જડ નથી, ચિન્મય છું. તો પછી ખરેખર હું કોણ છું? જેને લીધે હું જડ આંખ દ્વારા જોઈ રહ્યો છું, જડ વાણી દ્વારા બોલી રહ્યો છું, શરીર જડ હોવા છતાં હલનચલન કરી રહ્યો છું - એ જે ચેતન તત્વ છે તેને ઓળખવું તે જ યોગનું લક્ષ્ય છે.

યોગ સાથેનો ભોગ

ગીતાના બધા જ અધ્યાયના શિર્ષકોની પાછળ યોગ શબ્દ પ્રયોજીને એવું બતાવવામાં આવ્યું કે જીવનનું લક્ષ્ય ભોગ નહીં પણ યોગ છે. તે જ ઉત્તમ પ્રકારનો ભોગી બની શકે જે ઉત્તમ યોગી હોય. યોગ વગરનો ભોગ રોગને નિમંત્રે છે જ્યારે યોગ સાથેનો ભોગ મોક્ષને નિમંત્રે છે કારણ એ ભોગ કેવળ શરીર કે ઈન્દ્રિયોનો ભોગ હોતો નથી પણ આત્માનો ભોગ હોય છે.

| Home | Adhyatma | Shri Yogeshwarji | Maa Sarveshwari | SarvaMangal | Swargarohan |  Site Map | News |

|Audio/video| Books | Contacts | Download | FAQ | Feedback | Glossary | Guest Book | Links | Photo Gallery | Search | What's New? |