< Kena Upanishad >

CHAPTER 3 : Verse 04

तदभ्यद्रवत्तमभ्य वदत्कोऽसीत्यग्निर्वा ।

अहमस्मीत्यब्रवीज्जातवेदा वा अहमस्मीति ॥४॥

અર્થઃ

તત્ - એની પાસે (અગ્નિદેવ)

અભ્યદ્રવત્ - દોડીને પહોંચી ગયા.

તમ્ - એ અગ્નિદેવને

અભ્યવદત્ - (એ અલૌકિક યક્ષે) પૂછ્યું

કઃ અસિ ઇતિ - કે તું કોણ છે.

અબ્રવીત - (અગ્નિએ) જણાવ્યું કે

અહમ્ - હું

વૈ અગ્નિઃ - પ્રખ્યાત અગ્નિદેવ

અસ્મિ ઇતિ - છું.

અહમ્ વૈ - હું જ

જાતવેદાઃ - જાતવેદા નામથી

અસ્મિ ઇતિ - જાણીતો છું.

ભાવાર્થઃ

અગ્નિદેવે વિચાર્યું કે યક્ષની માહિતી મેળવવી એમાં શું ? એમાં કયા મોટા પરાક્રમની આવશ્યકતા છે ? એની માહિતી હમણાં જ મેળવી લઉં છું. એ અહંકારથી ઉન્મત્ત બનીને યક્ષની પાસે પહોંચી ગયા. યક્ષે એમનો પરિચય પૂછ્યો તો એમણે ભારે ગૌરવપૂર્વક જણાવ્યું કે 'મારું નામ જાતવેદા છે. હું સંસારમાં સર્વત્ર પ્રસિદ્ધ અગ્નિ છું.'

( શ્રી યોગેશ્વરજી કૃત 'ઉપનિષદનો અમર વારસો' માંથી )