Shvetashvatara Upanishad | શ્વેતાશ્વતર ઉપનિષદ

An authoritative treatise in Gujarati on

॥ Upanishads ॥

With Sacred text, its Gujarati translation and meaning

॥ श्वेताश्वतरोपनिषत् ॥



< BACK	Shvetashvatar Upanishad	NEXT >

CHAPTER 3 : Verse 16

सर्वतः पाणिपादं तत् सर्वतोऽक्षिशिरोमुखम् ।

सर्वतः श्रुतिमल्लोके सर्वमावृत्य तिष्ठति ॥१६॥

અર્થઃ

તત્ - તે પરમાત્મા

સર્વતઃ પાણિપાદમ્ - સર્વત્ર હાથપગવાળા

સર્વતોઙક્ષિશિરોમુખમ્ - સર્વત્ર આંખ, મસ્તક તથા મુખવાળા

સર્વતઃ શ્રુતિમત્ - સર્વત્ર કાનવાળા (અને)

લોકે - બ્રહ્માંડમાં

સર્વમ્ - સૌને

આવૃત્ય - બધી બાજુથી ઘેરીને

તિષ્ઠતિ - રહેલા છે.

ભાવાર્થઃ

પરમાત્મા વિશેનો આ શ્ર્લોક ગીતાના તેરમા અધ્યામાં અક્ષરશઃ જોવા મળે છે. એનો ભાવાર્થ એવો છે કે પરમાત્મા સર્વદેશીય, સર્વવ્યાપક કે સર્વગત છે. એ સર્વત્ર હાથપગવાળા હોવાથી એક હોવા છતાં અનેકની રક્ષા કરે છે. અને અનેકની ભોગસામગ્રીને સ્વીકારે છે. સર્વત્ર કાનવાળા હોવાથી સૌની વાતોને સાંભળે છે. એમનાથી કશું પણ છૂપું નથી રાખી શકાતું. એ સર્વત્ર, સૌને વ્યાપીને વિરાજેલા છે. એમનો એવો અસાધારણ મહિમા જાણીને સમજુ માનવે જીવનના શ્રેય માટે એમનું શરણ લેવું જોઇએ. એમને જ ભજવું જોઇએ.

( શ્રી યોગેશ્વરજી કૃત 'ઉપનિષદનો અમર વારસો' માંથી )