અક્ષત

વાણી અને મનની આ કેવી અનેરી એકતા છે !

વાણી મારા મનમાં છે, મનમાંથી પ્રગટ થાય છે.

ઊભયની વચ્ચે અભેદ છે.

મનનું વાણીમાં વહન થાય છે.

વાણી અને મનની આ કેવી અનેરી એકતા છે !

એ એકતાની સમાપ્તિ એટલેથી જ નથી થતી :

આચારમાં પણ એનો આવિર્ભાવ છે.

મારું મન જે મનન કરી ચૂક્યું છે તે જ વાણીમાં પ્રકટ થાય છે.

આચારમાં પણ તેનો જ અનુવાદ થાય છે.

એનું કારણ શું છે તે જાણો છો ?

આત્માની સાથેની એકરૂપતા.

આત્માની સાથે એકરૂપ થવાથી,

આત્માનુભવ થવાથી જ, આવી ત્રિવિધ એકતા થઈ શકી છે.

મન, વાણી અને કર્મનો બાહ્ય ભંડાર

એના મૂળ આત્મામાંથી જ આવિર્ભાવ પામે છે.

એ જ એકતાનું રહસ્ય છે.

(શ્રી યોગેશ્વરજી રચિત 'અક્ષત' માંથી )