Inspirational writings in Gujarati - અનંત સૂર

અંતરના અંતરતમમાં પ્રસ્ફુટિત મંજુલ રવ

અનંત સૂર

આત્માને અલંકૃત કરનારી પ્રેરણાદાયી રચનાઓ

જીવન ને તારો પ્રેમ

તારા પ્રેમના પાત્ર થયા વિના જીવન મારે માટે કો'ક કડવો કટોરો થઈ જાત;

- તારા પ્રેમથી તે પીયુષનો પ્યાલો થયું છે.

તારા પ્રેમના પાત્ર થયા વિના જીવન મારે માટે એક વેરાન નીરસ રણ થઈ જાત; એના અંગારે મારાં અંગેઅંગ દાઝી જાત ને એમાં ઊની લાય જેવી લૂ વાત;

- તારા પ્રેમથી તે લીલી વનસ્થલી થયું છે.

તારા પ્રેમના પાત્ર થયા વિના જીવન મારે માટે એક મૃત્યુની આવૃત્તિ થઈ જાત;

- તારા પ્રેમથી એ અમરત્વનો આનંદ થયું છે.

-------

(શ્રી યોગેશ્વરજી રચિત 'અનંત સૂર' માંથી )