Inspirational writings in Gujarati - અનંત સૂર

અંતરના અંતરતમમાં પ્રસ્ફુટિત મંજુલ રવ

અનંત સૂર

આત્માને અલંકૃત કરનારી પ્રેરણાદાયી રચનાઓ

ભેદાનુભવ

તારી કૃપાનું એક જ બિંદુ પડ્યું ને મારી જન્મોજન્મની તૃષા ટળી ગઈ.

તારા પ્રકાશનું એક જ રશ્મિ છૂટયું ને મારી યુગયુગની અંધારપૂંજી જલી ગઈ.

તારા સૌન્દર્યની એક જ છાયા પડી ને મારી કુરૂપતા ઊડી ગઈ.

તારા રૂપની એક જ રજ પડી ને મારી વિરૂપતા મટી ગઈ.

તારી દ્રષ્ટિની એક જ રેખા પડી ને મારી વિહવળતા જતી રહી.

તારી અમીદ્રષ્ટિનું એક જ બિન્દુ પડ્યું ને મારી જુગજૂની તૃષા ટળી ગઈ.

આજે મેં એ ભેદ જાણ્યો કે તારી કૃપાના ક્ષીરસાગરમાં સાધનાની સર્વે સરિતા સરી જાય છે, તારી કરુણાના મહાજલમાં ભજનજલના બધા જ ભંડાર ભળી જાય છે.

-------

(શ્રી યોગેશ્વરજી રચિત 'અનંત સૂર' માંથી )