પરિમલ

કેટલાક લોકો એવા છે જેમને આજીવન ઝંખવું જ સારું લાગે છે. તે માને છે કે તમારો મેળાપ આ શરીરે ના થઈ શકે, તથા તમારા દર્શનને માટે આ શરીર શાંત થાય તેની પ્રતીક્ષા કરવી જોઈએ. તે દિનરાત રડે છે, પ્રાર્થે છે, ને ઉન્મત્ત બનીને બેચેનની જેમ ફર્યા કરે છે.

પરંતુ મારું હૃદય તમે જુદું જ બનાવ્યું છે. મેં તો આ શરીરમાં રહીને જ તમારો સ્નેહ, સાક્ષાત્કાર ને સનાતન સહવાસ મેળવી લીધો છે, ને પરમશાંતિ તથા પરમાનંદનો પરિચય કર્યો છે.

શરીરની સહાયથી જ મેં તમને સ્નેહ કર્યો છે, તમારો સંપર્ક સાધ્યો છે, ને શરીરના માધ્યમ દ્વારા જ આપણા અખંડ, મધુમય મહામિલનની સ્વર્ગીય, સુધામય, સરિતાના સંગમમાં સ્નાન કરવાનો આનંદ અનુભવ્યો છે.

(શ્રી યોગેશ્વરજી રચિત 'પરિમલ' માંથી )