પરિમલ

મંદિરની મુલાકાત હું કોઈ જ વાર લઉં છું એથી આશ્ચર્યચકિત થઈને એક પ્રતીમાપ્રેમીએ મારી મુલાકાત લીધી, ને મને તે વિશે પ્રશ્ન પૂછ્યો; તો મેં તેને કહ્યું, પ્રેમી ! મંદિર માટે મને માન છે, પરંતુ મારું મંદિર ઘણું વિશાળ છે.

સર્જન સારુંયે સુંદર મંદિર છે, ને એમાં જે કાંઈ છે તે બધું જ પ્રતિમામય. સૌની અંદર હું એ વિરાટ ચેતનાનું દર્શન કરું છું, ને સૌનેય મનોમન વંદન કરું છું.

મંદિરની મુલાકાત હું કોઈક જ વાર લઉં છું એ સાચું છે, પરંતુ આટલા પરથી સમજી શકશો, ને સહેલાઈથી સમજી શકશો, કે હું મંદિરમાં જ શ્વાસ લઉં છું.

એની આંખ પરથી હું સમજી શક્યો કે મારા ઉત્તરથી એને આનંદ થયો.

(શ્રી યોગેશ્વરજી રચિત 'પરિમલ' માંથી )