Text Size

નમ્રતાની માગણી

મારા પ્રખર અભિમાનને
તારા વારંવારના પથ્થરી પ્રહારોથી છૂંદી નાખ
ને જગતના ક્ષુદ્રમાં ક્ષુદ્ર પ્રાણીની આગળ પણ
હું પ્રેમ ને નમ્રતાથી હાથ જોડીને ઊભો રહું એવું ભાગ્ય દે !

સંપત્તિ ને સત્તાના નશામાં
હરહંમેશ ઉન્નત રહેવાને ટેવાયેલું મારું મસ્તક
તારી પવિત્ર પદરજમાં રગદોળાઈ રહો
ને હંમેશને માટે નત બનો !

કેમ કે, મેં જાણ્યું છે
કે હલકામાં હલકી રજ જ આકાશમાં ઊડી શકે છે,
ને પાણી જ્યારે વરાળ બને છે,
ત્યારે જ ઊંચે ગમન કરે છે.

- શ્રી યોગેશ્વરજી

Add comment

Security code
Refresh

Today's Quote

We turn to God for help when our foundations are shaking, only to learn that it is God who is shaking them.
- Unknown

prabhu-handwriting