Text Size

નાનાં નાનાં બાળ

નાનાં નાનાં બાળ જાણે પ્રભુનાં પ્રેમલ પૂર.

 હાથો નાના, નાના પગ છે,
 નાનાં તેમ નુપુર ;
 આંખ, કાન ને નાકે નાનાં,
 નાનાં મુખનાં નૂર,... નાનાં નાનાં.

કાલાં કાલાં બાલ જાણે કોયલ જેવાં દૂર.
 કાલી કેલિ, કાલી વાતો,
 કાલા કાલા સૂર ;
 કાલી પગલી, કાલી ચાલો,
 કોમળતા ભરપૂર... કાલાં કાલાં.

વ્હાલાં વ્હાલાં બાલ જાણે સંગીત તણા સૂર.
 આંખ વ્હાલી, દૈવી એમાં,
 પ્રભુએ આંજ્યું નૂર ;
 હૃદય વ્હાલાં, કર્યાં સ્નેહથી
 પ્રભુએ છે ચકચૂર... વ્હાલાં વ્હાલાં.

 - શ્રી યોગેશ્વરજી

Add comment

Security code
Refresh

Today's Quote

Arise, awake and stop not till the goal is reached.
- Swami Vivekananda

prabhu-handwriting