Text Size

ત્રિદેવ

બ્રહ્મા રચે જગતને બનતાં વિધાતા
દે જન્મ નૂતન પદાર્થ તથા બળોને,
માળી બની રસ સનાતન વિષ્ણુ રેલે
સ્નેહે ચરાચર મહીં નિજ રક્ષવાને

ઉદ્યાન ઉત્સુક રહે કરુણા કરીને;
ને કાળના પતિ રસેશ્વર રુદ્ર અંતે
સંહારરાસ રમતા જગમાં અખંડ;
એ દેવતાત્રયઅનુગ્રહ હો અનંત !

બ્રહ્મા બની જન રચે સુવિચારસૃષ્ટિ,
પોષે થઈ પરમવિષ્ણુ રસાળ રેલી
સત્કર્મનાં સલિલ અક્ષય રાખવાને
એને અખંડ પુરુષાર્થ કરે ઉમંગે,

કિલ્મિષ રુદ્ર બનતાં મળક્લેશ કાપે;
લાગે પ્રણમ્ય જનમાં ત્રિપુટી રહેલી.

Add comment

Security code
Refresh

Today's Quote

There is nothing that wastes the body like worry, and one who has any faith in God should be ashamed to worry about anything whatsoever.
- Mahatma Gandhi

prabhu-handwriting