Text Size

દિલમાં દીવો કરો

દિલમાં દીવો કરો રે દીવો કરો,
કૂડા કામ ક્રોધને પરહરો રે ... દિલમાં દીવો કરો

દયા દીવેલ પ્રેમ પરણાયું લાવો,
માંહી સુરતાની દીવેટ બનાવો;
મહીં બ્રહ્મઅગ્નિ પ્રગટાવો રે ... દિલમાં દીવો કરો

સાચા દિલનો દીવો જ્યારે થાશે,
ત્યારે અંધારુ મટી જાશે;
પછી બ્રહ્મલોક તો ઓળખાશે રે .... દિલમાં દીવો કરો

દીવો અણભે પ્રગટે એવો,
ટાળે તિમિરના જેવો;
એને નેણે તો નીરખીને લેવો રે ... દિલમાં દીવો કરો

દાસ રણછોડે ઘર સંભાળ્યું,
જડી કૂંચી ને ઊઘડ્યું તાળું;
થયું ભોમંડળમાં અજવાળું રે ... દિલમાં દીવો કરો

- રણછોડદાસ

 

Add comment

Security code
Refresh

Today's Quote

Some of God's greatest gifts are unanswered prayers.
- G. Brooks