Text Size

સૌથી પ્યારી છે આઝાદી

સૌથી પ્યારી છે આઝાદી, સૌથી છે પ્યારી.

એને કાજે અમે જિંદગી સદા રહ્યા ધારી,
મિલકત બધી અમારી એના પર જઈએ વારી. ... સૌથી પ્યારી

પશુ, પંખી પણ જેને ઝંખે, ઔષધિ યે ન્યારી,
પ્રાણથકી પ્યારી એ અમને નવજીવન ક્યારી ... સૌથી પ્યારી.

પરાધીનતામાં શાંતિ નહીં, કેદસમ અકારી,
સોનાને પીંજર પણ પંખી, રહે આંસુ સારી ... સૌથી પ્યારી.

ધન-વૈભવ સંપત્તિ સઘળું, એના પર ઢાળી,
ભલે જિંદગી કદી જઈએ, એ માટે હારી ... સૌથી પ્યારી.

- શ્રી યોગેશ્વરજી

Add comment

Security code
Refresh

Today's Quote

God, grant me the serenity to accept the things I cannot change, the courage to change the things I can, and the wisdom to know the difference.
- Dr. Reinhold Niebuhr

prabhu-handwriting