Text Size

આજ વૃંદાવન આનંદસાગર

આજ વૃંદાવન આનંદસાગર,
શામળિયો રંગે રાસ રમે;
નટવર-વેશે વેણ વજાડે,
ગોપી મન ગોપાળ ગમે.

એક એક ગોપી સાથે માધવ,
કર ગ્રહી મંડળ માંહે ભમે;
તા થૈ તા થૈ તાન મિલાવે,
રાગ-રાગણી માંહે ઘૂમે.

સોળ કલાનો શશિયર શિર પર,
ઉડુગણ સહિત બ્રહ્માંડ ભમે;
ધીર સમીરે જમુનાતીરે
તનના તાપ ત્રિવિધ શમે.

હરખ્યા સુરનર દેવ મુનિજન
પુષ્પવૃષ્ટિ કરે, ચરણ નમે;
ભણે નરસૈંયો ધન્ય વ્રજનારી,
એને કાજે જે દેહ દમે.

- નરસિંહ મહેતા

Comments  

0 #4 Manish Raval 2013-01-28 21:40
તમારા કીર્તનોનું કલેક્શન કરીને સ્વામિનારાયણ સંપ્રદાયનાં સુપ્રસિદ્ધ કથાકારો જેમની કથામાં વપરાતા કીર્તનોનું એક પુસ્કત તૈયાર થાય છે તેમાં અમને તમારી આ વેબસાઇટ ખૂબ જ કાર્યરત રહી છે.
+2 #3 Piyush Agrawal 2012-07-14 22:29
Thanks for making this project.
+2 #2 Harsh 2011-06-16 15:09
Thanks for help in project.
+4 #1 Nirav Shah 2009-07-04 08:30
Awesome.. aanand saagar.. everybody should take advantage of this aanand saagar.. And make life aanandmay.. Jai shree Krishna

Today's Quote

There is no God higher than Truth.
- Mahatma Gandhi