બંધન તારા તોડ મનવા, બંધન તારા તોડ.
મનના તાર બધા એક કરી વૃત્તિ પ્રભુમાં જોડ;
પ્રકટે છે તે અનહદ સાંભળ દિવ્ય સદાય સરોદ. ... બંધન.
મલિન વિચાર, ભાવ ને ભાષા ને તજ કર્મ કરોડ;
જાગ્રત થા જો ભક્તિરસનું પ્રકટ્યું નવું પરોઢ. ... બંધન.
રૂપાળા સુંવાળા ટળિયા છોડી છોડ પ્રમોદ;
અમૃતરસના ઉડે ફુવારા કરતા અંગમરોડ. ... બંધન.
મુક્તિનું મંગલ સુખ પામી દળદર તારું ફોડ;
સુધાસભર સારા જીવનની મૂક ભલેને હોડ. ... બંધન.
(૭-૯-૧૯૫૭, શનિવાર)
– © શ્રી યોગેશ્વરજી