Sunday, August 09, 2020

અંતરનો અનુરાગ

જે તમને પ્રેમ કરે

જે તમને પ્રેમ કરે,
તેને શાશ્વત ધામ મળે.

શરણ તમારે આવીને જે
તમને યાદ કરે;
જપે, ભજે ને ગાય તમોને,
તે તો તાપ તરે ... જે તમને.

સેવે તમને, નિશદિન ચાહે,
તમને પ્રાણ ધરે;
મીન જેમ જે જલે તમારા
જીવે તેમ મરે ... જે તમને.

ચાતક જેમ જ ઝંખે તમને,
અમૃત આશ કરે;
સઘળા સ્વાદ અસાર જણાયે,
ધ્યાન તમારું ધરે ... જે તમને.

તપે, રડે ને સહે સંકટો,
વ્યાકુળ થઈ ફરે;
તલસે તમને, મળવા માગે,
જન તે ધન્ય ખરે ... જે તમને.

પારસ પ્રાપ્ત થવાથી દળદર
કૈં જન્મોનું ટળે;
તમે મળો તો માનવમનના
હેતુ બધાય સરે ... જે તમને.

શરણ તમારે આવી કોઈ
રિક્ત હાથ ના ફરે;
‘પાગલ’ કે’ મહિમા એ મોટો,
વ્યર્થ કદી ન ઠરે ! ... જે તમને.

- © શ્રી યોગેશ્વરજી

Add comment

Security code
Refresh

Today's Quote

Be not afraid of growing slowly, be afraid only of standing still.
- Chinese Proverb

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok