ચાંદલિયા આવ, ચાંદલિયા આવ,
હેઠે અમારી સાથ રમવાને આવ !
તારલિયા આવ, તારલિયા આવ,
હેઠે અમારી સાથ જમવાને આવ !
વાદલડી આવ, વાદલડી આવ,
હેઠે અમારી સાથ સરવાને આવ !
આભલિયા આવ, આભલિયા આવ,
હેઠે અમારી સાથ ઠરવાને આવ !
વીજલડી આવ, વીજલડી આવ,
હેઠે અમારી સાથ પડવાને આવ !
વર્ષા, તું આવ, વર્ષા, તું આવ,
પૃથ્વીને પ્રેમથી પલાળવાને આવ !
ઈન્દ્રધનું આવ, ઈન્દ્રધનું આવ,
હૈયાને રંગથકી રંગવાને આવ !
સૂરજ, તું આવ, સૂરજ, તું આવ,
હૈયેથી અંધારું ટાળવાને આવ !
- શ્રી યોગેશ્વરજી