ભલે થવાનું હોય તે થાય,
અમે કોઈને નહિ દઈએ ફાવવા રે.
મહામૂલી સ્વતંત્રતા છે મળી રે,
તેને લૂંટાવા કેમ દેવાય ? ... ભલે થવાનું
શાન ભારતની સાચવી રાખવા રે,
બધા બનતા કરીશું ઉપાય ... ભલે થવાનું.
રહ્યો પ્રાણ આ જ્યાં સુધી શરીરમાં રે,
નહીં આઝાદી દેશની જાય ... ભલે થવાનું.
ભલે ભારે પડે ભોગ આપવા રે,
કદી છોડવી પડે આ કાય ... ભલે થવાનું.
ધાક ધમકી ને ત્રાસથી ડર્યા વિના રે,
કરી રહીશું મુકાબલો બધાંય ... ભલે થવાનું.
દેશ કાજે કુરબાન થશું પ્રેમથી રે,
ભલે જાણી જગત એ જાય ... ભલે થવાનું.
- શ્રી યોગેશ્વરજી