Text Size

હળવે હળવે હળવે હરિજી

હળવે હળવે હળવે હરિજી

MP3 Audio

હળવે હળવે હળવે હરિજી મારે મંદિર આવ્યા રે;
મોટે મોટે મોટે મેં તો મોતીડે વધાવ્યા રે.

કીધું કીધું કીધું મુને કાંઇક કામણ કીધું રે,
લીધું લીધું લીધું મારું મન હરીને લીધું રે.

ભૂલી ભૂલી ભૂલી હું તો ઘરનો ધંધો ભૂલી રે,
ફૂલી ફૂલી ફૂલી હું તો હરિમુખ જોઇ ફૂલી રે,

ભાંગી ભાંગી ભાંગી મારા ભવની ભાવટ ભાંગી રે,
જાગી જાગી જાગી હું તો હરિને સંગે જાગી રે.

પામી પામી પામી હું તો પૂરણ વરને પામી રે,
મળિયો મળિયો મળિયો, મહેતા નરસૈંયાનો સ્વામી રે.

 - નરસિંહ મહેતા

Comments  

+5 #1 Pushpa R. Rathod 2010-03-21 18:01
ધીરે ધીરે પણ તમે જરૂર આવ્યા, મારું મન તો હરી લીધું તેથી હું બધું જ ભુલીને ફુલી ન સમાય, મને તે સજાગ કરી ભવની ભીડ ભાંગી. પ્રભુ તમોને કોટિ કોટિ વંદન પુરા વિશ્વ તરફથી.

Today's Quote

I slept and dreamt that life was joy. I awoke and saw that life was service. I acted and behold, service was joy.
- Rabindranath Tagore
Cookies make it easier for us to provide you with our services. With the usage of our services you permit us to use cookies.
Ok