Saturday, July 11, 2020

પ્રેમ ને પંડિતાઈ

ચાંદની રાતે સરોવરની નજીકના ઉપવનમાં બે પ્રેમી બેઠાં હતાં: સ્ત્રીની કટિ લગીની લાંબી કેશલટમાં કુસુમની હાર હતી ને આંખમાં સુધા. પુરુષના હાથમાં વીણા હતી. તેમાંથી સ્વર છૂટતા હતા, ને બંને તો શ્રવણમાં મસ્ત બનીને બેઠાં હતાં.

કલાકેક પછી સંગીત શાંત થયું, ને બંને પ્રેમીજનો વાર્તાલાપ કરવાં માંડ્યાં. એટલામાં ત્યાંથી એક પંડિત પસાર થયા. પ્રેમીજનોને જોઈને તે બોલી ઊઠ્યા: ‘અરે બેશરમ પ્રેમીઓ! જે શરીર પર તમને પ્રેમ થયો છે તે શરીર નશ્વર છે તેની તમને ખબર છે? પ્રેમનો આ આલાપ ને રસ પણ નશ્વર છે. આ વિનાશી શરીરમાં તમે કેમ ફસાવ છો ?’

પુરુષે કહ્યું: ‘પ્રેમનો આ રસ ને આલાપ નશ્વર હોય તો પણ અમને અવિનાશી ઈશ્વરની પાસે પહોંચવાની શક્તિ આપનારો છે, માટે જ મંગલ છે. ને આ શરીર ને યૌવન છે ત્યાં સુધી ઠીક છે: નહિ હોય ત્યારે અમે શોક પણ નહિ કરીએ. કેમ કે તેમનામાં નહિ પણ તેમનામાં રહેલી અલૌકિક શક્તિ અમારી આસક્તિ છે.’

- શ્રી યોગેશ્વરજી

Add comment

Security code
Refresh

Today's Quote

Clouds come floating into my life, no longer to carry rain or usher storm, but to add color to my sunset sky.
- Rabindranath Tagore

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok