તમારે કાજે હૃદયમાં કારમી પીડા
જગાડી દો, વગાડી દો વેદના વીણા.
તમારા સંસર્ગ માટે હૈયું આ આતુર
કરી દો હંમેશ માટે પ્રેમ-ચકનાચૂર.
રાગ ને આલાપ બીજા સૌ વિલીન બનો,
તમારો અનુરાગ શતશત કલામાં પ્રકટો !
રહેવાયે એક ક્ષણ ના લાલસા એવી
ભરી દો નસમાં તમારા પ્રેમની ભારી.
આંખ કેવલ જુએ તમને, વિચારે આ ચિત્ત,
તમારી જ રહો અનેકગણી થઈને પ્રીત.
કરી 'પાગલ' છટપટાઓ ભલે ઈચ્છો તો,
ચેન આલિંગન વિના ના પડે એ વર દો !
- શ્રી યોગેશ્વરજી