રામસભામાં અમે રમવાને ગ્યાંતા
MP3 Audio
રામ સભામાં અમે રમવાને ગ્યાં’તાં
પસલી ભરીને રસ પીધો રે, હરિનો રસ પુરણ પાયો.
પહેલો પિયાલો મારા સદગુરૂએ પાયો,
બીજે પિયાલે રંગની હેલી રે,
ત્રીજો પિયાલો મારાં રોમે-રોમે વ્યાપ્યો,
ચોથે પિયાલે થઈ છું ઘેલી રે …રામ સભામાં
રસ બસ એકરૂપ રસિયા સાથે,
વાત ન સુઝે બીજી વાટે રે,
મોટા જોગેશ્વર જેને સ્વપ્ને ન આવે
તે મારા મંદિરીયામાં મ્હાલે રે … રામ સભામાં
અખંડ હેવાતણ મારા સદગુરૂએ દીધાં
અખંડ સૌભાગી અમને કીધાં રે,
ભલે મળ્યા મહેતા નરસિંહના સ્વામી
દાસી પરમ સુખ પામી રે … રામ સભામાં
- નરસિંહ મહેતા
Comments
ત્રીજો પિયાલો મારા રોમે રોમે વ્યાપ્યો but not like રોમે રામે વ્યાપ્યો.
Hoping to be excused for any over comment from my end.
Jai Krupalu Maa. Sachchidanand Sad Guru Dev Ki Jay.
[mistake corrected. Thanks for bringing it to our notice - admin]