Friday, May 29, 2020

કરતાં વિવેક કૈંક વિચાર

કરતાં વિવેક કૈંક વિચાર, સાચો સ્વારથ આ જગમાં,
મનવા મનને મથીને વિચાર, શો પરમારથ જગમાં.

જન્મ ધરીને શાને આવ્યો જગમાં, માનવતન કાં પાયો,
ધન અવિનાશી કૈંક કમાયો, ક્ષણભંગુર એવા જગમાં?... કરતાં.

સ્ત્રીધન સંતાને સપડાયો, માન અને મદમાં લપટાયો,
પામ્યો પ્રાણ નહીં પડછાયો ક્ષણભંગુર એવા જગમાં ?... કરતાં.

ફૂડકપટ કરતાં ના થાક્યો, સત ને ન્યાય મહીં ના રાચ્યો,
તોયે કેમ કરી તું નાચ્યો, ક્ષણભંગુર એવા જગમાં ?
તારું કોણ ખરું છે આંહી, મેળવવાનું તારે કાંઇ ?
એનું ચિતન કર તું ભાઇ, ક્ષણભંગુર એવા જગમાં ?... કરતાં.

બાંધી પુણ્ય પાપનું ભાથું આ જગમાંથી સૌયે નાઠું,
લેજે આજ થકી ચેતી તું, ક્ષણભંગુર એવા જગમાં ?
‘પાગલ’ પરમાત્માની પાછળ બનતો શાંતિ રહેશે આગળ,
નિશ્ચિંત થઇ ના ત્યાં લગ ફર, ક્ષણભંગુર એવા જગમાં ?... કરતાં.

- શ્રી યોગેશ્વરજી

 

Add comment

Security code
Refresh

Today's Quote

Prayer is the key of the morning and the bolt of the evening.
- Mahatma Gandhi

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok