Tuesday, June 02, 2020

કલિયુગ સર્વ યુગોમાં ન્યારો

કલિયુગ સર્વ યુગોમાં ન્યારો

પંડિત છોને કહે ભયંકર,
સૌ યુગથી છે સારો;
બહારથી બેહાલ છતાંયે,
અંદર ખૂબ રૂપાળો ....કલિયુગ

સતયુગ ત્રેતા દ્વાપર કરતાં,
બિલકુલ નથી નઠારો;
સ્વલ્પ સાધને શાંતિ મુક્તિ દે,
કરતાં જ્ઞાન ઝગારો ....કલિયુગ

શરણ લઈ લો પરમાત્માનું,
તેમ દયાવ્રત પાળો;
સ્મરણ મનનમાં મગ્ન બનો તો,
આત્મ તરત ઉદ્ધારો ....કલિયુગ

કટુતા ને કંકાસ વ્યસનથી,
પ્રાણ સદાય ઉગારો;
તો તો તરતાં વાર ન લાગે,
વિષયો પર ના વારો ....કલિયુગ

નિર્મળ મનમાં પ્રેમ જગાવો,
આવે ભ્રમનો આરો;
થોડા શ્રમથી વધુ ફળ પામો,
પામો દિવ્ય કિનારો ....કલિયુગ

નથી થયો આવો યુગ કોઈ,
નિયમ બરાબર પાળો;
પવિત્ર પળપળના પુરૂષાર્થે,
જીવન પૂર્ણ ઉજાળો ....કલિયુગ

 - શ્રી યોગેશ્વરજી

Add comment

Security code
Refresh

Today's Quote

Our greatest glory is not in never falling, but in rising every time we fall.
- Confucius

prabhu-handwriting

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.

Ok