Thu, Jan 28, 2021

મારા જીવન આંગણે આવો હરિ

મારા જીવન આંગણે આવો હરિ,
મીઠી પ્રેમની બંસી બજાવો જરી.

મન મધુવનની ગલીએ ગલીએ
પુનિત પગલી પાડો તમે... મારા જીવન

પળપળ વીતી જાય છે સાચે,
વેગે વહેલા આવો તમે... મારા જીવન

હૃદયાસન પર સ્નેહે બિરાજો,
જીવનભરના તાપ હરો... મારા જીવન

રસેશ્વરી હું બની તમારી,
રસેશ્વર બની આવો ભલે... મારા જીવન

અખંડ ચૂડી અર્પીને હરિ,
સંતાયા ક્યાં વિશ્વમહીં... મારા જીવન

ફરી ફરી આવોને હે મોહન,
મહોત્સવ બને આ જીવન... મારા જીવન

MP3 Audio : મા સર્વેશ્વરી

MP3 Audio : આશિત દેસાઈ

 
રચના સમયના મનોભાવો
 
ભક્તિભાવ જીવનમાં બળવાન બને ત્યારે ભક્ત ભગવાનને પોતાના જીવન આંગણે ઊતારવા આતુર બને છે. પળ પળ એને યુગ જેવી લાગે છે. પળેપળે એની પ્રતીક્ષા પ્રબળ બનતી જાય છે. અંતરના અંતરતમમાંથી પ્રાર્થનાઓ શરૂ થાય છે.

મારા જીવનમાં પણ એવી અવસ્થા આવી. શિક્ષણકાર્યમાં સ્થૂળ રીતે રત રહેવા છતાં જીવનમાં એક સૂનકાર અનુભવ્યો. હરિના આગમનથી જ જીવન જીવવા જેવું બનશે એવું લાગ્યું.એક વારના દિવ્ય દર્શન પછી હે પ્રભુ તમે અદ્રશ્ય થયા છો તો હવે ફરી આવો ને મારા જીવનને ઉત્સવમય બનાવો.

મનની એવી ભૂમિકામાંથી આ પ્રાર્થનાનું સર્જન થયું.
 

Add comment

Security code
Refresh

Today's Quote

It is easy to be friendly to one's friends. But to befriend the one who regard himself as your enemy is the quientessence of true religion. The other is mere business.
- Mahatma Gandhi
We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.