Text Size

મુજ અબળાને મોટી મિરાત

મુજ અબળાને મોટી મિરાત

MP3 Audio

મુજ અબળાને મોટી મિરાંત બાઈ; શામળો ઘરેણું મારે સાચું રે .. (ટેક)

વાળી ઘડાવું વિઠ્ઠલવર કેરી; હાર હરિનો મારે હૈયે રે,
ચીનમાળા ચતુરભૂજ ચૂડલો; શીદ સોની ઘેર જઈએ રે ... મુજ અબળાને

ઝાંઝરિયાં જગજીવન કેરાં; કૃષ્ણજી કલ્લાં ને રાંબી રે.
વિંછુવા ઘૂઘરા રામ નારાયણના; અણવટ અંતરજામી રે ... મુજ અબળાને

પેટી ઘડાવું પુરુષોત્તમ કેરી; ત્રિકમ નામનું તાળું રે
કૂંચી કરાવું કરુણાનંદ કેરી; તેમાં ઘરેણું મારું ઘાલું રે ... મુજ અબળાને

સાસરવાસો સજીને બેઠી; હવે નથી કાંઈ કાચું રે
બાઈ મીરાં કહે પ્રભુ ગિરધરનાગર; હરિને ચરણે જાચું રે ... મુજ અબળાને

 - મીરાંબાઈ

Add comment

Security code
Refresh

Today's Quote

Do well to your friend to keep him, and to your enemy to make him your friend.
- E.W.Scripps
Cookies make it easier for us to provide you with our services. With the usage of our services you permit us to use cookies.
Ok